يا أمي إنا طالع
كلمات أغنية إلى شباب الثورة
يما مويل الهوا.... يمة مويليا
ضرب الخناجر ولا حكم النذل فيا
***
يا أمي إنا طالع
ما بعرف
راجع مش راجع
طالع دور حرية
أعزل و بوشي مدافع
يا أمي بدي عيش
مليت قهر ومواجع
يا أمي بدي احلم
وبدي صرخ بالشوارع
***
يمة مويل الهوا يمة مويليا
ضرب الخناجر ولا حكم النذل فيا
***
يا أمي لا تنطريني
وانطري شمس الحرية
حامل دمي على كفي
ناطرتني رصاصة غبية
رح كفي وصيح بقوة
بدنا كرامتنا المنسية
يمكن بكرا يكون أحلى
وطلة الشمس ترجع بهية
***
يما مويل الهوا يما مويليا
ضرب الخناجر ولا حكم النذل فيا
***
يمة خبي دمعاتك
لا تحزني علي الراح
خبيهن لبكرا الجاي
واسكبيهن بالأفراح
يمة طال الليل
شقشق الفجر وجاي الصباح
يمة الظالم انتهى
لما رفع بوشنا سلاح
***
يمة مويل الهوا يمة مويليا
ضرب الخناجر ولا حكم النذل فيا
***
يا أمي قاهرني غصب
غدر خيي ليي
هو شريكي بهالعمر
وهو الهاجم عليي
بيضربني بالرصاص الحي
وانأ الوردة بايديي
أنا إن متت بايدك
لمين بتنادي يا خيي
***
يمة مويل الهوا يمة مويليا
ضرب الخناجر ولا حكم النذل فيا
***
والقاعد بالقصر فوق
كيف يرضى الشعب ينهان
وكيف بقتل الناس
مشان يضل سلطان
هالشعب قال كلمتو
وما بترجع أيام زمان
عيشة حرة كريمة
أو شهادة عز وإيمان
***
يما مويل الهوا يمة مويليا
ضرب الخناجر ولا حكم النذل فيا
***
وقولوا عني للشبيحة
يلي بيقتلوا بأمر الحاكم
قولوها كلمة صريحة
يفهمها كل جاهل وعالم
رصاصاتكم القبيحة
بوش طالب حرية مسالم
رح تلاحقكن لما
شعبنا يزيح الظالم
***
يمة مويل الهوا يمة مويليا
ضرب الخناجر ولا حكم النذل فيا
***
يا إمي رفقاتي طلعوا
وأنا معهن للحرية
بدنا بكرا يجي
وأمتنا أمة أبية
لا ظالم فيها ولا قاتل
ولا أوبة حرامية
ونعيش كلنا بهالوطن
عيشة كريمة هنية
***
يما مويل الهوا يمة مويليا
ضرب الخناجر ولا حكم النذل فيا
ياسوريا
الجمعة أبريل 17, 2015 2:42 pm من طرف ابو عمر
موضوع: اغنية شامية للثورة السورية 
