تقدمة منتديات سنابل الحياة 4

السلام عليكم ورحمة الله وبركاته....

شبيح شاف مندس بالطريق قلو : بتصدق لما شفتك جاية من بعيد فكرتك مرا....صاير نظري ضعيف....رد عليه المندس : شكلنا نحنا التنين نظرنا ضعيف لانو حتى انا لما شفتك من بعيد فكرتك زلمة

______________

مرة ساركوزي قلو لبشار تعال لعندي على فرنسا لورجيك التكنولوجيا .....اخدو معو وعطاه كريك و قلو احفر.......قعد بشار يحفر حتى لقى سلك
قال ساركوزي :شايف من اول ما انخلقنا عندنا Internet !!
بشار ضحك وقاله طيب تعال على بلادنا لورجيك التكنولوجيا
بعد ما رجعو قالو بشار لساركوزي أحفر هون
وهداك ضل يحفر 3 ايام ما لقى اشي
اطّلع عليه بشار وقلو : نحنا من اول ما انخلقنا وعنا وايرلس

____ ______

اتنين من الشبيحة عم يتناقشو
الأول: دخلك الأرض كروية ؟؟؟
الثاني: إي كروية!!
الأول: قرد … وبتدور ؟؟؟؟
الثاني: إي بتدور ..
...الأول: قريييييد …. كيف بتدور وآآبنقع من عليّا ؟؟؟؟
الثاني: قرد .. هيك قانون الجازبية …
الأول : قرييييد ….. الله يخليلنا سيادتو على هيك قانون......

ويستمر الحوار....ويستمر الاستحمار

_____ _______________

لا بقى تقولوا انو أحمد حاج علي بوق للنظام..!!!! لانو الزلمة اعترف بلسانو انو اتعرض للأغتيال لما ضربوه اهل ضيعتو بالصرامي.......وهذا اعتراف صريح منو انو هوة صرصور

_____ _______

شبيح واقف عند باب بيتو... مرت الشرطة ... سألوه : انت من أهل البيت ؟
قال : لا .. من كفار قريش !!!!!

__ ________



شبيح سالوه شو فائدة الخمر؟ الشبيح :بقوي النظر
قالوا :كيف يعني بقوي النظر ؟؟ الشبيح : بتشوف الواحد اثنين

_______________
حرامي فات يسرق بيت وليد المعلم .....فات على غرفة النوم قام المعلم حس عالحرامي راح نط عليه " طبعا الحرامي غط على قلبو من كتر وليد مو سمين " المهم نادى المعلم لابنو وقلو روح جيب الشرطة ........الولد انعجق صار يدور عالشحاطة
قلو وليد لابنو : شبك متل الأجدب يلا روح
...الولد : عم دور عالشحاطة مو ملاقيها !!
صرخ الحرامي : ولك بشرفك روح حاااااافي

____________
شبيح قال لمرته وين السحور ؟ قالتله لشو السحور انت ما بتصوم !!
قالها : هو يعني لا صيام ولا سحور ....خلص صرنا كفار لهالدرجة!!!!!

_______________
بشار الاسد كان معزوم عن جماعة وهو رايح قال لصاحب البيت : شكرا على الأكل بس انزعجت من صوت نباح كلبكم ،، ما بيسكت يا أخي؟؟

صاحب البيت : هيك عادتو لما حدا ياكلّ من صحنو ،،،!!


_________
شبيح عم يقول لصاحبو : يا رجل رح جن والله شي غريب
رد صاحبو : شو هو الغريب خير ؟؟
الشبيح : كل ما بسأل واحد شو معنى
I DONT KNOW
...بالعربي ؟؟؟؟؟؟؟
بجاوبني : ما بعرف !!! ... معقول ما حدا بيعرف

____________

شبيح ضاعت شنطتو راح يبلغ الشرطه قالوله ولا يهمك روح انتة عالبيت و نحنا بنطلع الشنطة من تحت الارض.

وهو رايح شافت بالشارع عمال البلدية عم يحفرو، قلن : شدّوا حيلكم يا شباب، الشنطة لونها بني

____________

شبيح شاف ناس متجمعين، راح يشوف شو في، قام ما قدر يفوت من كتر العجئة، قام صار يصرخ بالناس، زيح انت وياه، هاد ابن عمي ابن عمي قامت الناس كلها وسعتلوا الطريق وفات قام لاقى حمار ميـّت

ههههههههههههه..........كتير حلوييييييييييييييين